Аляксандр Лукашэнка жорстка раскрытыкаваў якасць уборкі лёну падчас пазапланавай паездкі ў Шклоўскі раён Магілёўскай вобласці.
Урадавы верталёт прызямліўся проста на полі сельгаспрадпрыемства “Гавяды-Агра”. Убачанае выклікала гнеў кіраўніка дзяржавы, піша БелТА.
На Магілёўшчыне зараз “ваеннае становішча”
Якасць уборкі лёну прывяла Аляксандра Лукашэнку ў жах. “За гэта трэба ў турму саджаць”, – так ён ацаніў працу аграрыяў “Гавяды-Агра”.
“Агідны” вынік працы для прэзідэнта аказаўся нечаканасцю. Гэтага ён ад старшыні Магілёўскага аблвыканкаму не чакаў. Паводле яго слоў, лён не прыбралі, а загубілі. Пры гэтым “Гавяды-Агра” амаль поўнасцю ўкамплектавана тэхнікай. Аднак элементарнай дысцыпліны на прадпрыемстве няма, адзначыў Аляксандр Лукашэнка.
Агледзеўшы “эталоннае” па ўборцы льняное поле, кіраўнік дзяржавы зрабіў выснову, што астатнія могуць быць увогуле ў жудасным стане.
“Я яшчэ ў ваўчыных кутах Беларусі пабываю. Але калі недзе каля каналаў, каля кустоў кавалкі неразараныя будуць, вы працаваць не будзеце”, – папярэдзіў ён кіраўніцтва раёна і вобласці.
Калі чыноўнікі не перавядуць Магілёўскую вобласць на “ваеннае становішча”, то “размова ў нас будзе апошняй”, паабяцаў Аляксандр Лукашэнка.
https://tochka.by/articles/policy/lukashenko_poobeshchal_proverit_kazhdyy_volchiy_ugol_v_belarusi
