Сёлета ў Бешанковіцкую ЦРБ для афармлення мэтавага накіравання ў медкаледжы ўжо звярнуліся тры чалавекі. Раённая бальніца працягвае прыём заяў і чакае новых прэтэндэнтаў.
У Бешанковіцкім лясгасе заключылі сем мэтавых дамоваў з выпускнікамі школ. Шэсць з іх адправяцца ў Полацкі дзяржаўны лясны каледж, яшчэ адзін – у Віцебскі дзяржаўны тэхналагічны каледж. Будучыя спецыялісты будуць штомесяц атрымліваць даплату ад прадпрыемства пяць базавых велічынь (на сёння гэта 225 рублёў) у дадатак да асноўнай дзяржаўнай стыпендыі.
У сферы АПК заключана шэсць мэтавых дамоваў. Два мэтавыя накіраванні выдала Бешанковіцкае прадпрыемства меліярацыйных сістэм: адзін з абітурыентаў паступае ў Беларускую дзяржаўную сельскагаспадарчую акадэмію на спецыяльнасць «Аграбізнес» (кваліфікацыя «Эканаміст»), другі — у Лепельскі дзяржаўны аграрна-тэхнічны каледж для атрымання кваліфікацыі «Тэхнік- механік».
У СУП “Вядзерава” заключылі мэтавую дамову на падрыхтоўку ў Віцебскай акадэміі ветэрынарнай медыцыны заатэхніка.
ДП “ПалітаддзелецАгра” плануе падрыхтаваць двух аграномаў у аграрным каледжы Віцебскай дзяржаўнай акадэміі ветэрынарнай медыцыны па спецыяльнасці “Вытворчасць прадукцыі расліннага паходжання” з прысваеннем кваліфікацыі “Тэхнік-тэхнолаг”.
ААТ «ААБ Агра-Наватар» заключыла мэтавую дамову на падрыхтоўку трактарыста-машыніста ў Вульскім дзяржаўным каледжы імя Л. М. Даватара.
