Пракуратура Бешанковіцкага раёна ў выязным судовым паседжанні, які прайшоў у адміністрацыйным будынку УКП ЖКГ «Бешанковіцкі камунальнік», падтрымала дзяржабвінавачанне па крымінальнай справе ў дачыненні да 55-гадовага мясцовага жыхара – яму інкрымінавана незаконныя набыццё і захоўванне псіхатропаў (без мэты збыту).
У мэтах папярэджання злачынстваў і выхавання грамадзян у духу захавання заканадаўства на пасяджэнне былі запрошаны работнікі арганізацыі.
У судовым паседжанні было ўстаноўлена, што абвінавачаны ў лютым бягучага года на тэрыторыі Бешанковіцкага раёна знайшоў не менш за 50 таблетак з фенабарбіталам, перанёс да свайго месца жыхарства, дзе частку з іх ужыў.
Астатнюю частку, знаходзячыся ў стане, выкліканым спажываннем псіхатропных рэчываў, захоўваў для асабістага спажывання па месцы жыхарства да выяўлення і канфіскацыі праваахоўнымі органамі.
Абвінавачаны сваю віну прызнаў у поўным аб’ёме. Аднак чыстасардэчнае раскаянне і станоўчая характарыстыка з месца працы не вызвалілі яго ад адказнасці.
З улікам прадстаўленых дзяржаўным абвінаваўцам доказаў суд Бешанковіцкага раёна прызначыў пакаранне ў выглядзе абмежавання волі тэрмінам на 2 гады без накіравання ў папраўчую ўстанову адкрытага тыпу.
Прысуд уступіў у законную сілу.
Алеся Прыстаўка, памочнік пракурора Бешанковіцкага раёна
