У красавіку 62-гадовай жыхарцы Маскоўскага раёна Мінска паступіў званок у мэсанджар. Жанчына тэлефанавала прадставілася супрацоўніцай папулярнай мабільнай сеткі і паведаміла, што неабходна падоўжыць дагавор на аказанне паслуг сувязі. Мінчанка пагадзілася і выконвала ўсе ўказанні махляроў. Для пачатку яна перайшла па спасылцы, якую ёй выслаў нібыта аператар, пасля пацярпелая паведамляла ўсе коды, якія прыходзяць ёй у СМС-паведамленнях.
Мінчанка працяглы час знаходзілася на сувязі з ілжэпрадстаўніцай сотавай кампаніі. На працягу ўсёй размовы на тэлефон пацярпелай прыходзілі розныя апавяшчэнні, аднак жанчына іх нават не чытала. Звярнула ўвагу на СМС яна толькі тады, калі заўважыла слова «спісанне». Да гэтага моманту з яе рахункаў ужо было спісана больш як Br20 тыс.
Жанчына засяродзіла ўвагу на паведамленнях, але ёй параілі не звяртаць на іх увагу. Так ашуканцы апусташылі ўсе рахункі мінчанкі. Пасля гэтага пацярпелая патэлефанавала ў банкі, заблакавала карты і звярнулася да праваахоўнікаў.
Маскоўскім (г. Мінска) раённым аддзелам Следчага камітэта ўзбуджана крымінальная справа па ч.3 арт.212 (крадзеж маёмасці шляхам мадыфікацыі камп’ютарнай інфармацыі, учыненая ў буйным памеры) Крымінальнага кодэкса. Следчыя ва ўзаемадзеянні з супрацоўнікамі міліцыі ўстанаўліваюць асоб, якія маюць дачыненне да ўчынення злачынства.
«Следчыя ў чарговы раз заклікаюць грамадзян быць пільнымі — ні следчы, ні міліцыянер, ні банкаўскі работнік або ж прадстаўнік сотавага аператара не будзе тэлефанаваць вам у мэсанджар. Пры паступленні падобнага званка неадкладна кладзіце трубку», — дапоўнілі ў УСК.
