У гэты дзень у 1942 годзе ў Маскве пры загадкавых абставінах загінуў Янка Купала – выдатны дзеяч нацыянальнай культуры, адзін з духоўных сімвалаў Беларусі. У яго гонар названы вуліцы, створаны музеі, узведзены помнікі, яго вершы вучаць на памяць беларускія школьнікі і студэнты.
Прычына смерці Янкі Купалы да гэтага часу застаецца даволі туманнай. 18-га чэрвеня 1942 года паэт спыніўся ў гатэлі «Масква». А 7-га ліпеня паэт павінен быў святкаваць свой юбілей – 60 гадоў. 28-га чэрвеня 1942 года народны паэт Беларусі ўпаў з 10-га паверха ў праём лесвічнага пралёту гатэля «Масква» і разбіўся.
Да гэтага часу з гэтай нагоды не спыняюцца спрэчкі і абмеркаванні. Але ўсё ж большасць даследчыкаў і экспертаў прыходзіць да высновы, што ад народнага паэта, які быў нязручны тагачаснай уладзе, папросту пазбавіліся.
https://planetabelarus.by/publications/28-iyunya-smert-yanki-kupaly
