У Бешанковіцкім раёне 47-гадовая работніца аднаго з мясцовых прадпрыемстваў з’явілася на працоўным месцы нецвярозай. У адказ на заўвагу кіраўніка жанчына ўчыніла скандал. Той выклікаў міліцыю.
– Дэбашырку даставілі для разбору ў аддзел, – аднаўляе далейшы ход падзей пракурор Бешанковіцкага раёна Сяргей Урбановіч.
– Знаходзячыся ў фае будынка райаддзела, жанчына двойчы нанесла ўдары рукой у галаву супрацоўніку міліцыі.
Яна прызнана вінаватай у прымяненні насілля ў дачыненні да супрацоўніка органаў унутраных спраў і прыгаворана да абмежавання волі на 2 гады без накіравання ў папраўчую ўстанову адкрытага тыпу.
😀
1
😍0
😢0
😡0
👍0
👎0
