Унікальны зааморфны амулет, датаваны сярэдзінай III тысячагоддзя да нашай эры, выявілі археолагі на селішчы Асавец-2 у Бешанковіцкім раёне Віцебскай вобласці. Аб знаходцы паведамілі ў Інстытуце гісторыі Нацыянальнай акадэміі навук Беларусі.
Археалагічная экспедыцыя Інстытута гісторыі НАН пад кіраўніцтвам загадчыка аддзела археалогіі першабытнага таварыства Максіма Чарняўскага даследуе паселішча эпохі неаліту – ранняга бронзавага веку Асавец-2.
За час раскопак археолагі сабралі шматлікія матэрыялы, якія пераважна адносяцца да паўночнабеларускай культуры. Сярод находак – фрагменты посуду, вырабы з косці, рога і крэменю, паляўнічая зброя і рыбалоўныя снасці. Даследчыкам таксама трапіліся мастацкія вырабы і ўпрыгожанні.
Але адна з самых характэрных находак чакала археолагаў пры зачыстцы мацерыка: там выявілі ўнікальны зааморфны амулет паўночнабеларускай культуры.
Знаходку датуюць сярэдзінай III тысячагоддзя да нашай эры. Якую менавіта жывёлу адлюстраваў старажытны майстар, не ўдакладняецца.
https://smartpress.by/news/v-belarusi-nashli-unikalnyy-amulet-vozrastom-okolo-4-5-tysyachi-let
