У лютым 2026 года 70-гадовая жыхарка Бешанковіцкага раёна атрымала паведамленне ў мэсэнджэры ад карыстальніка «Пол», які назваўся брытанцам.
У профілі новага знаёмага былі фатаграфіі, ён расказваў пра сваё жыццё. Тры месяцы яны перапісваліся, але відэазванкоў не было – у Пола ўвесь час здараліся адгаворкі. Зносіны перараслі ў любоўныя прызнанні.
Калі зламыснік вырашыў, што давер устаноўлены, ён заявіў аб жаданні прыехаць у Беларусь з Вялікабрытаніі. Аднак для візіту яму нібыта не хапала 1500 рублёў – іх ён папрасіў у пацярпелай.
Такой сумы ў даверлівай жанчыны не было, і яна адправілася ў банк па крэдыт.
Пры высвятленні мэты пазыкі супрацоўнікі банка даведаліся пра гісторыю пацярпелай і патэлефанавалі ў праваахоўныя органы. Разам ім удалося пераканаць жыхарку раёна ў тым, што Пол з’яўляецца ашуканцам і прыязджаць да яе не збіраецца.
Перапіску са зламыснікам жанчына спыніла. Крэдыт аформлены не быў.
Бешанковіцкім раённым аддзелам Следчага камітэта ўзбуджана крымінальная справа па ч.1 арт.14, ч.1 арт.209 (замах на махлярства) Крымінальнага кодэкса Рэспублікі Беларусь.
