Два гады таму ТАА пачало рэалізацыю праекта. Фабрыка, дзе вырабляюць цукеркі з натуральных прадуктаў, з’явілася ў былой школе. Будынак, які не выкарыстоўваецца, перадалі кампаніі бязвыплатна пад рэалізацыю бізнес-плана інвестпраекта.

«Мясцовыя ўлады нам падалі пляцоўку пад вытворчасць. Аб’ект раней быў зусім іншага прызначэння, і трэба было ўкласці сур’ёзныя сродкі ў яго перапланіроўку. Фінансаванне паступала ад кітайскага заснавальніка, і ўсяго ў рамках праекта на стварэнне кандытарскай фабрыкі затрачана больш як Br7,2 млн», — адзначыў кіраўнік фабрыкі.

«Перад новым годам мы атрымалі сертыфікаты ўласнай вытворчасці, і напрыканцы студзеня гэтага года першая партыя тавара пайшла ў Расейскую Федэрацыю. У нас экспартна арыентаванае прадпрыемства, і мы да 95 працэнтаў кандытарскіх вырабаў пастаўляем у Расію. У бліжэйшы час будзем выходзіць на беларускі рынак. У сярэднім мы вырабляем да 5,5 тон цукерак за змену. На фабрыцы створана каля 60 працоўных месцаў, і працуюць тут жыхары раёна», — распавёў дырэктар фабрыкі.

Прысмакі — прадукт сезонны, летам на яго падае попыт, і прадпрыемства займаецца пашырэннем вытворчых плошчаў. «Мы прыступілі да рэалізацыі другой чаргі будаўніцтва, уладкоўваем трэці паверх будынка, для яго закуплена новае абсталяванне кітайскай вытворчасці. Дзякуючы яму палепшыцца вонкавы выгляд цукерак. Акрамя таго, частка работ, для якіх нам не хапае персаналу, будзе заменена аўтаматызаваным абсталяваннем », - падзяліўся Сяргей Маслюк.