Па момантах першы тайм быў за намі, а вось па ліку за гасцямі. Яны мелі не так шмат шанцаў для ўзяцця варот, але скарысталіся спаўна тым, што мелі.
Госці, скарыстаўшыся нашай «асечкай» у абароне, у пачатку тайма скалынулі сетку нашых варот.
У другім тайме, гледзячы на тое, што госці не асабліва імкнуцца ісці наперад, больш увагі надаючы абароне, імкнуліся павысіць тэмп гульні, перыядычна спрабавалі прэсінгаваць.
Мы апынуліся спрытней, адквіталі мяч. І тут пачалося. Так, Браславу патрэбна толькі перамога, любы іншы вынік аддаляў іх ад медаляў чэмпіянату, і яны гэта разумелі і ўзвінцілі тэмп, ствараючы мноства непрыемнасцяў каля нашых варот.
Тут ужо ў каго пайдзе, хто дакладней, хутчэй.... У выніку мы выходзім наперад. Не сталі гуляць на ўтрыманне ліку, а пайшлі наперад. Сапернік пачаў раскрывацца, бо яму трэба адыгрывацца, рызыка апраўданая. Пачаліся «арэлі».
Трыбуны прыгажуны, завялі каманду, гналі наперад. Забіваем, але становішча па-за гульнёй фіксуе арбітр, тут не паспрачаешся, гол не абаронены. Дарэчы, арбітры сёння на вышыні, цяжка знайсці істотныя недахопы ў іх рабоце сёння.
Лік матча мог стаць і нічыйным. Толькі штанга і крыху шанцавання не дазволілі патрапіць мячу ў нашы вароты, хоць госці проста абавязаны былі забіваць. Але гэтае кола фартуны павярнулася ў наш бок. Праз імгненне камандзе ўдалося паставіць кропку ў паядынку, забіўшы трэці мяч.
Ужо ў гэтую суботу на нашай утульнай арэне зноў будзе шумна. На гэты раз згуляем перанесены матч супраць сапернікаў з Шаркаўшчыны. І зноў матч з адным з лідэраў чэмпіянату, прэтэндэнтам на медалі.
Чэмпіянат Рэспублікі Беларусь па футболе 2025, 2 ліга, рэгіён Віцебскі, гурт «С»
ФК Бешанковічы — ФК Шаркаўшчына 30 жніўня (субота), пачатак 14.00.
