beshankovichi.by

Информационный портал

Социальные сети:

Новости Бешенковичей Общество

24.03.2024 18:28

190 просмотров

0 комментариев

24-га сакавіка распачалося паўстанне Тадэвуша Касцюшкі

Паўстанне 1794 года ў Польшчы, Беларусі і Літве або Паўстанне Тадэвуша Касцюшкі — узброенае выступленне супраць расійскай акупацыі і прускай інтэрвенцыі, за аднаўленне Рэчы Паспалітай у межах 1772 года. Яно працягвалася некалькі месяцаў і скончылася поўным разгромам паўстанцаў.



Тадэвуш Анджэй Банавентура Касцюшка

У гэты сакавіцкі дзень Тадэвушам Касцюшкам у Кракаве быў агучаны «Акт паўстання». У дакуменце вызначаліся мэты барацьбы: абараніць суверэннасць Рэчы Паспалітай, аднавіць тэрыторыю ў межах 1772 года і вярнуць Канстытуцыю ад 3-га мая 1791 года.

Падзелы Рэчы Паспалітай

Навукоўцы лічаць, што за перыяд з красавіка па верасень у паўстанні ў Беларусі прынялі ўдзел каля 25 тысяч чалавек, з якіх амаль трэць складалі сяляне. Даволі хутка паўстанцы змаглі захапіць уладу ў шэрагу гарадоў, у тым ліку ў Навагрудку, Берасце і Гародні. Бітвы праходзілі і на Міншчыне.

Паляненне Т. Касцюшкі

У кастрычніку — лістападзе 1794 г. войскі паўстанцаў пацярпелі шэраг паражэнняў, цяжка паранены Касцюшка трапіў у палон.

Паражэнне паўстання дало магчымасць Аўстрыі, Прусіі і Расіі захапіць усю тэрыторыю Рэчы Паспалітай і ў 1795 г. падзяліць яе паміж сабой. Па гэтаму падзелу да Расіі адышлі Заходняя Беларусь, Літва, Курляндыя і частка Заходняй Украіны, а Прусія і Аўстрыя падзялілі паміж сабой Польшчу.

Хоць паўстанне і пацярпела паражэнне, аднак яго значэнне ў гісторыі Еўропы велізарнае. Ідэі вызваленчага антыфеадальнага дэмакратычнага руху пачалі распаўсюджвацца ў Аўстрыі, Прусіі і Расіі.

Увесну 2018 года ў Марачоўшчыне быў усталяваны помнік Тадэвушу Касцюшку ў бронзе, створаны за народныя грошы.

https://be.wikipedia.org/wiki/%D0%9F%D0%B0%D1%9E%D1%81%D1%82%D0%B0%D0%BD%D0%BD%D0%B5_1794_%D0%B3%D0%BE%D0%B4%D0%B0

Последние новости