Люты ў Віцебскай вобласці быў цяплейшым як зазвычай. Адхіленне ад нормы склала 3,9 °C. Нягледзячы на тое, што ноччу тэмпература апускалася ніжэй за нуль, у дзённы час атмасфернае паветра практычна ўсе дні выгравалася да станоўчых тэмператур.
У Віцебску апошнія трое сутак слупок тэрмометра зусім не апускаўся ніжэй за адзнаку +1,7 °C нават ноччу, а днём тэмпература дасягала +4,2 °C. Цяплей за ўсё ў мінулыя суткі было ў Лынтупах, дзе было зафіксавана +7,1 °C.
У такіх умовах адбывалася паступовая дэградацыя ледзянога покрыва на азёрах і рэках: павялічылася плошча вады на лёдзе, павялічыліся памеры прамоін, асобныя ўчасткі ачысціліся ад лёду. Тэмпература вады складала ад 0,1 да 1,6 °С.
У сувязі з гэтым выхад на лёд стаў небяспечным для жыцця. Мясцовыя ўлады ва ўсіх раёнах аб’явілі аб забароне выхаду на лёд, а АСВОД заклікае аматараў зімовай рыбалкі не рызыкаваць жыццём і не выходзіць на вадаёмы.
