Жанчына купіла 49 квадратных метраў тратуарнай пліткі, заплаціўшы 1176 рублёў. Пры мантажы аказалася, што плітка рэпаецца, ламаецца, на паверхні ўтворацца паглыбленні, ракавіны, расколіны.
Пакупніца звярнулася да прадаўца з патрабаваннем аб скасаванні дамовы куплі-продажу тратуарнай пліткі і звароце выплачаных за тавар грошай. Паколькі прадавец адмовіўся выканаць патрабаванні спажыўца ў добраахвотным парадку, спажывец звярнулася праз Беларускае таварыства абароны спажыўцоў з іскам у суд.
19 лютага судом Полацкага раёна і горада Полацка патрабаванні пазоўнікі задаволены ў поўным аб’ёме. Дагавор куплі-продажу скасаваны, з адказчыка спагнаны ўвесь кошт тавару і штраф у даход мясцовага бюджэту ў памеры 100% сумы, спагнанай на карысць пазоўніцы. Таксама суд абавязаў спажыўца па патрабаванні прадаўца вярнуць яму тавар неналежнай якасці ў поўным аб’ёме за кошт сродкаў і сіламі прадаўца пасля атрымання сумы грашовых сродкаў, спагнаных судом у карысць ісціцы.
Характэрна, што вось ужо больш за дзесятак гадоў няякасная тратуарная плітка — «хворае месца» для Віцебска. Бо і ў нас у горадзе ўвесь час плітка плітка растрэскваецца, крышыцца, на паверхні ўтвараюцца паглыбленні, ракавіны, расколіны.
