beshankovichi.by

Информационный портал

Социальные сети:

Новости Бешенковичей Общество

13.02.2024 20:17

136 просмотров

0 комментариев

У Японіі ўпершыню выгадавалі свінню для перасадкі ейных органаў чалавеку

У Японіі ўпершыню выгадавалі генетычна мадыфікаваную свінню, чые органы можна будзе перасадзіць чалавеку. Даследаванні прайшлі пад эгідай Універсітэта Мэйдзі.


Тэхналогія вырошчвання свіней з мэтай далейшай перасадкі органаў у цела чалавека была распрацавана ў ЗША. Японскія навукоўцы выкарыстоўвалі імпартаваныя са Штатаў клеткі і змаглі на іх аснове кланаваць уласнае парася. Выпадак стаў першым у гісторыі даследаванняў, праведзеных у Японіі.

Як заявіў прафесар Універсітэта Мэйдзі Хіросі Нагасіма, у далейшым навукоўцы плануюць засяродзіцца на бяспецы сваёй працы, а таксама маюць намер прадоўжыць абмеркаванне пытанняў, якія закранаюць этычны бок працэсу.

Перасадку органаў ад выгадаванай свінні чалавеку спецыялісты плануюць зрабіць ужо сёлета, перадае тэлеканал NHK.

Два гады таму амерыканскія медыкі правялі дзве аперацыі па перасадцы генетычна мадыфікаванага сэрца свінні чалавеку. У людзей, якім праводзілі трансплантацыю, раней дыягнаставалі смерць мозгу, а функцыі органаў падтрымліваліся дзякуючы апаратам.

Леташняй восенню пацыентам стаў чалавек з тэрмінальнай стадыяй сардэчнай недастатковасці. Ён пражыў яшчэ шэсць тыдняў, але ў выніку памёр.

https://mir24.tv/news/16580463/svinyu-dlya-peresadki-organov-cheloveku-vpervye-vyveli-v-yaponii

Последние новости