beshankovichi.by

Информационный портал

Социальные сети:

Новости Бешенковичей Общество

04.02.2024 19:19

161 просмотр

0 комментариев

Сёння — Дзень нараджэння Тадэвуша Касцюшкі

Уся сусветная грамадскасць адзначае дзень нараджэння нашага знакамітага земляка Тадэвуша Касцюшкі, які нарадзіўся ў гэты дзень у 1746 годзе.

Гэта дата – цудоўная нагода з'ездзіць у Косава (Брэсцкая вобласць, Івацэвіцкі раён) і пабываць у Музеі-сядзібе Касцюшкі ў Косаве, дзе ў сярэднепамеснай шляхецкай сям'і нарадзіўся Касцюшка.

Яму было наканавана ўзначаліць вызваленчае паўстанне ў чатырох краінах Еўропы, стаць актыўным удзельнікам барацьбы за свабоду народаў Злучаных Штатаў Амерыкі, нацыянальным героем Беларусі, Літвы, Польшчы і ЗША і ганаровым грамадзянінам Францыі.

Сядзіба Касцюшкі. Напалеон Орда.

У 1987 годзе ў Марачоўшчыне быў усталяваны камень, які сведчыць, што менавіта ў гэтым мястэчку нарадзіўся Андрэй Тадэвуш Банавентура Касцюшка. У 1999 годзе быў устаноўлены іншы камень з барэльефам знакамітага земляка. А праз чатыры гады былі пачаты археалагічныя раскопкі, у выніку якіх быў знойдзены фундамент і сутарэннае памяшканне радавога маёнтка, якія ацалелі з пачатку XVIII стагоддзя.

На гэтым падмурку і пачалося будаўніцтва сядзібы па літаграфіях Напалеона Орды і Міхася Кулешы. Будаўніцтва працягвалася сем з паловай месяцаў. І ўжо 23-га верасня 2004 года адбылося ўрачыстае адкрыццё дома-музея Тадэвуша Касцюшкі.

Экспазіцыя музея ўяўляе сабой пяць мемарыяльных пакояў, якія даюць магчымасць пазнаёміцца са шляхецкім побытам гаспадароў, атрымаць інфармацыю аб прадстаўніках роду Касцюшкі-Сяхнавіцкіх, аб сям'і Людвіга і Тэклі Касцюшкі.

Музей-сядзіба адчынены для наведвальнікаў з 10.00 да 17.30.

https://planetabelarus.by/publications/4-fevralya-den-rozhdeniya-tadeusha-kostyushko/

Больш пра Тадэвуша Касцюшку можна пачытаць тут:

https://be.wikipedia.org/wiki/%D0%A2%D0%B0%D0%B4%D1%8D%D0%B2%D1%83%D1%88_%D0%9A%D0%B0%D1%81%D1%86%D1%8E%D1%88%D0%BA%D0%B0

Последние новости