Як паведамляе УУС Віцебскага аблвыканкама, мужчына працаваў на камбайне, з якога зліваў гаруча-змазачныя матэрыялы. Міліцыянеры ўстанавілі мінімум пяць падобных фактаў. Агульны аб’ём выкрадзенага ў прадпрыемства паліва перавысіў 500 літраў.
Вясковец падчас працы спыняў машыну і з бака зліваў салярку ў каністры. Пасля гэтага ён хаваў іх у лесе. Увечары знаёмы работніка сельгасарганізацыі забіраў ёмістасці са скрадзенай саляркай. На падазраванага пачалі крымінальную справу. Выкрадзенае канфіскавана.
Сяргей РАСОЛЬКА