Спецыялізаваны аўтатранспарт уяўляе сабой аўтобус, які аснашчаны неабходным медыцынскім абсталяваннем. Унутры ён падзелены на тры адсекі.
Першы -- кабінет прыёму (тут жа размешчана гардэробная, дзе ўстаноўлены шафа для адзення, тры крэслы для перавозкі медперсаналу).
Другі -- працэдурны адсек, дзе ёсць халадзільнік для захоўвання матэрыялаў, вакцыны і транспарціроўкі аналізаў у лабараторыю, палічкі і шафкі для вырабаў медыцынскага прызначэння, а таксама кушэтка (у тым ліку для правядзення ЭКГ), рукамый і столік.
Трэці адсек - назіральны кабінет, тут устаноўлена гінекалагічнае крэсла, ёсць столік і рукамый, скрыні для захоўвання вырабаў медыцынскага прызначэння. Паўсюдна маюцца разеткі для электрапрыбораў, святло і ацяпленне - усё працуе ад генератара.
«Мэта набыцця - - палепшыць якасць і даступнасць медыцынскай дапамогі сельскаму насельніцтву, - распавядае галоўны ўрач Бешанковіцкай цэнтральнай раённай бальніцы Святлана Рошчына. - Перасовачны комплекс для нас стаў важным набыццём. Ён даедзе да кожнага, нават самага аддаленага кутка раёна, своечасова і ў поўным аб'ёме акажа неабходную медыцынскую, у тым ліку экстраную і неадкладную дапамогу. Асноўным работнікам з'яўляецца памочнік урача па амбулаторна-паліклінічнай дапамозе Кацярына Стрыжонак».
Яна кажа: "Са з'яўленнем меддапамогі на колах стане нашмат зручней і прасцей. Плюс да ўсяго тут можна і неабходныя лекі купіць. Асноўнае ж насельніцтва вёсачак - людзі пажылога ўзросту. З перасоўным комплексам іх жыццё нашмат спросціцца."
Медработнік будзе праводзіць першасны агляд пацыентаў, рабіць прызначэнні і пры неабходнасці адпраўляць да вузейшага адмыслоўца.
Паводле слоў Святланы Рошчынай, пры неабходнасці (у залежнасці ад патрэбнасцей насельніцтва таго рэгіёну, куды адправіцца комплекс) будзе фарміравацца мабільная брыгада, у якую ўвойдуць урач агульнай практыкі, педыятр, акушэр-гінеколаг, а таксама фельчар-лабарант, які ажыццяўляе забор аналізаў. Акрамя агульных аналізаў крыві і мачы - забор крыві на біяхімію, электракарыёграма, вакцынацыя, медагляд і дыспансерызацыя.
Па матэрыялах з сайта
https://www.gztzara.by/2023/08/pervyj-peredvizhnoj-fap-v-beshenkovichskom-rajone/
