На цэнтральнай плошчы адбылося ўрачыстае адкрыццё свята, прысвечанага Дню гарпасёлка.

Тут сустрэліся мінулае і будучыня: выхаванцы дзіцячых садоў райцэнтра прайшліся парадам па галоўнай вуліцы насустрач графу Храптовічу і яго свіце. Яму дзеці агучылі сваю просьбу: каб у Бешанковічах з’явілася новая сучасная пляцоўка. І яна мусіць з’явіцца!

Кіраўнік раёна Галіна Унуковіч проста на цэнтральнай плошчы, у прысутнасці жыхароў і гасцей райцэнтра, уручыла дырэктару «Бешанковіцкага камунальніка» Ігару Сліўцу сертыфікат на 35 тысяч рублёў для будаўніцтва доўгачаканага аб’екта!

Незабыўныя эмоцыі ўсім падарыў Заслужаны калектыў Рэспублікі Беларусь узорная цыркавая студыя «Арэна»! А затым дзеці ўпрыгожылі вялікую паштоўку для каханага гарпасёлка.

Святочны настрой панаваў на пляцоўцы для вулічных гульняў «Падарунак дзецям». Дарэчы, у захапленні ад гульняў не толькі юныя землякі, але і дарослыя!