За рулём грэйдара знаходзіўся 52-гадовы мужчына.

«Ад удару мікрааўтобус з’ехаў у левы па ходзе руху кювет і перавярнуўся», — распавялі ў СК.

У выніку ДТЗ пацярпелі пасажыры аўтамабіля: 27-гадовая жанчына і 6 яе дзяцей (ад 10 месяцаў да 8 год). Цяпер пацярпелым аказваецца медыцынская дапамога.

У Міністэрстве аховы здароўя пазней удакладнілі, што ў ДТЗ пацярпелі 8 чалавек — з іх 6 дзяцей. Усе пацярпелыя былі дастаўлены брыгадамі хуткай дапамогі ў Брэсцкую абласную клінічную бальніцу і Брэсцкую дзіцячую абласную бальніцу.

Чацвёра пацярпелых (1 дарослы і 3 дзяцей) шпіталізаваны ў рэанімацыйныя аддзяленні. Яшчэ адно дзіця — у артапеда-траўматалагічнае аддзяленне. Яго стан ацэньваецца як сярэдняй ступені цяжкасці. «Троім пацярпелым медыцынская дапамога аказана ў прыёмных аддзяленнях, шпіталізацыя не спатрэбілася», — расказалі ў Міністэрстве аховы здароўя.

У СК паведамілі, у дачыненні да вадзіцеля грэйдара ўзбуджана крымінальная справа па ч. 2 арт. 317 (парушэнне правілаў дарожнага руху, якое пацягнула па неасцярожнасці прычыненне цяжкага цялеснага пашкоджання) КК Беларусі.

https://smartpress.by/news/70951/